The Illegal Eagles

I ddathlu 50 mlynedd ers ffurfio'r band roc gwledig enwog o arfordir gorllewin UDA, The Eagles, ym 1971, mae The Illegal Eagles yn dychwelyd gyda chynhyrchiad newydd sbon sy'n addo mwy o'u medrusrwydd cerddorol, eu sylw manwl i fanylder a'u dawn arddangos anhygoel. 

Mae'r sioe hon a ganmolwyd gan y beirniaid yn cynnwys caneuon gorau'r Eagles a ffefrynnau fel 'Hotel California', 'Desperado', 'Take It Easy', 'New Kid In Town', 'Life In The Fast Lane' a llawer mwy...

Mae'r rhestr ddiweddaraf o berfformwyr yn y sioe, a gynhyrchir fel bob amser gan Phil Aldridge, yn cynnwys Tony Kiley (o'r grŵp anhygoel o'r 80au, The Blow Monkeys) ar y drymiau, Trevor Newnham (Dr Hook) llais a gitâr fas, Greg Webb llais a gitarau, Mike Baker llais, gitarau ac allweddellau a Garreth Hicklin llais, gitarau ac allweddellau.

Mae Garreth, Greg, Trevor a Mike yn cyfleu arddull a mynegiant lleisiol Henley, Walsh, Fry, Schmidt a Meisner yn ddiymdrech ac maent oll yn feistri ar eu priod offerynnau.

Mae harmonïau tynn iawn a sylw manwl i fanylder yn gyfystyr â The Illegal Eagles, sydd bellach yn eu 24ain flwyddyn ar daith. Yn dilyn nifer o deithiau yn y DU ac Ewrop a ganmolwyd gan y beirniaid, mae The Illegal Eagles wedi sefydlu eu hunain fel y dathliad pennaf o The Eagles a hefyd fel un o'r sioeau dilys fwyaf blaenllaw a dawnus yn y byd.