The Story of Guitar Heroes

Mae The Story of Guitar Heroes, prif sioe gitarau'r DU yn ôl y sôn, wedi'i chanmol gan feirniaid yn y wlad hon a thramor am ei theyrnged anhygoel i gitaryddion mwyaf dylanwadol ac eiconig cerddoriaeth boblogaidd y 50 mlynedd diwethaf.

Mae'r gyngerdd fawreddog hon, sy'n cynnwys sgiliau cerddorol o'r radd flaenaf a thafluniad fideo tra chyfoes, yn teithio drwy bum degawd, o roc a rôl y 1950au hyd at gitaryddion mwyaf dylanwadol yr oes fodern.

Yn adnabyddus am ail-greu seiniau unigryw'r holl gitaryddion o fri mewn modd trawiadol o fanwl, mae The Story of Guitar Heroes yn defnyddio cynifer â 30 o gitarau go iawn gwahanol.

Gallwch ddisgwyl caneuon ysgubol poblogaidd gan enwogion fel Hank Marvin, Chuck Berry, Eric Clapton, Jimi Hendrix, Brian May, Jimmy Page, Mark Knopfler, Tony Iommi, Van Halen, Slash a llawer mwy.