Rob Lamberti Presents Perfectly George

Mae'r sioe ddynamig hon, gyda llais anhygoel Rob Lamberti, wedi peri i gynulleidfaoedd o gwmpas y wlad ac Ewrop godi ar eu traed wrth ddathlu, mewn modd ystyriol, yrfa un o berfformwyr mwyaf dawnus ei genhedlaeth.

Mae'r sioe'n mynd o gyfnod Wham! i oes amrywiol gyrfa hynod lwyddiannus George Michael fel unigolyn, gan adrodd ei hanes drwy'r arlwy eang o ganeuon a'i gwnaeth yn eicon i gynifer o bobl, gan gynnwys caneuon bytholrwydd fel 'Careless Whisper', 'Faith', 'I'm Your Man', 'Club Tropicana' a mwy.

Mae Rob Lamberti, sy'n dynwared George i'r dim, yn boblogaidd iawn ymhlith dilynwyr ar draws y cyfryngau cymdeithasol. Ym marn West End Wilma, un o'r blogiau mwyaf blaenllaw ym maes y theatr, mae'r sioe berffaith hon yn ffordd wych o dalu teyrnged i'r diweddar a'r amryddawn Mr George Michael.

Yn yr un modd, dywedodd y Southern Daily Echo fod y sioe wedi ysgogi holl aelodau'r gynulleidfa, o seddi'r cylch i'r balconi, i godi ar eu traed a dawnsio.

Mae Rob Lamberti yn seren yn ei rinwedd ei hun ar ôl ymddangos ar raglen Even Better Than the Real Thing y BBC yn 2017. Mae ganddo lais sy'n deilwng o berfformio catalog rhyfeddol George o ganeuon ysgubol, ac mae wedi mynd rhagddo i gael gyrfa lwyddiannus drwy dalu teyrnged i'w arwr. Ymddangosodd Rob ochr yn ochr â Steve Coogan yn y ffilm Greed hefyd.