The King's Voice - Gordon Hendricks as Elvis

Mae Gordon Hendricks wedi creu gyrfa nodedig fel artist teyrnged Elvis Presley, wedi iddo gael ei ysbrydoli o oedran ifanc gan y brenin roc a rôl. Fe'i magwyd yn Stoke on Trent yn ystod y 1970au a pherffeithiodd ei ddawn drwy gyd-ganu i draciau Elvis a chwaraewyd gan ei chwiorydd. Roedd y brwdfrydedd cynnar hwn wedi paratoi'r ffordd at lwybr rhyfeddol.

Ei lwyddiant cyntaf oedd pan ymddangosodd ar raglen 'Stars in their Eyes,' ITV, lle syfrdanodd gynulleidfaoedd gyda'i allu rhyfeddol i ddynwared Elvis. Roedd y cyhoedd wedi dwlu ar ei berfformiad, gan bleidleisio drosodd i sicrhau mai ef oedd pencampwr y gyfres a gwnaeth argraff hefyd ar fawrion y diwydiant fel ysgrifennwr caneuon Elvis, Geoff Morrow. Gwnaeth medrusrwydd lleisiol Gordon gryn argraff ar Morrow, a gynigiodd gyfle recordio iddo, gan arwain at ryddhau cân y bwriedid i Elvis ei ganu, sef "Where Will I Be".

Mae cyflawniadau Gordon yn cynnwys ennill teitl 'World's Ultimate Elvis Tribute Artiste Champion 2017' yn Graceland, sy'n brawf o'i ddawn eithriadol mewn maes llawn cystadleuwyr o bob cwr o'r byd. Mae ei berfformiadau'n cyfleu gwir hanfod Elvis yn berffaith, o'r ailymddangosiad arbennig a gafwyd ar y teledu ym 1968 i'r blynyddoedd dynamig yn Vegas.

Nawr, wrth iddo ddechrau ar daith 'The King's Voice', bydd selogion yn profi dathliad o waddol Elvis drwy fedr nodedig Gordon a fydd yn arddangos y caneuon poblogaidd diamser a'r perfformiadau egnïol yr oedd Elvis yn adnabyddus amdanynt. Mae Gordon Hendricks yn berfformiwr unigryw sy'n ymgorffori ysbryd a llais Elvis Presley.