Kai Widdrington - Evolution

Bydd seren Strictly Come Dancing Kai Widdrington yn diddanu cynulleidfaoedd ar draws y DU ac Iwerddon gyda'i daith ddawns gyffrous newydd, Kai-Evolution, yn 2025.

Yn dilyn ei berfformiadau syfrdanol ar raglen boblogaidd y BBC, bydd Kai yn dod â'i dalent eithriadol a'i bresenoldeb carismatig ar y llwyfan i theatrau ar draws y wlad gyda'i daith ddawns unigol gyntaf.

Mae Kai-Evolution yn addo mynd â'r gynulleidfa ar daith gyfareddol drwy amrywiaeth o genres dawns gan arddangos ei ddoniau a'i brwdfrydedd dros ddawnsio. Bydd y daith yn cynnwys coreograffi trawiadol, perfformiadau gweledol syfrdanol a chast o ddawnswyr anhygoel. Bydd cyfle i'r cynulleidfaoedd fwynhau cymysgedd o ddawnsio neuadd traddodiadol, dawnsio Lladin a dawnsiau dyfeisgar sy'n dangos sgil a chreadigrwydd rhyfeddol Kai.

Wrth siarad am y cyffro o fynd â'i sioe newydd sbon o amgylch y DU ac Iwerddon, meddai Kai, "Rwyf wrth fy modd o gael y cyfle i ddod â'r sioe hon yn fyw a chael rhannu fy nghariad at ddawns gyda'r holl gefnogwyr. Rwyf wedi breuddwydio am fynd ar daith ar draws y wlad ar fy mhen fy hun erioed, felly rwy'n edrych ymlaen at wireddu hyn. Bydd y sioe hon yn ddathliad o fy nghariad at bopeth sy'n ymwneud â cherddoriaeth a dawns, ac rwy'n hynod gyffrous i gael rhannu'r profiad hwn â phawb, yn y DU ac yn Iwerddon."