The James Brown Experience

Teyrnged i'r Brenin Ffync.

Dathlwch yr eicon miwsig yr enaid gwreiddiol mewn profiad cyngerdd cyfareddol sy'n mynd y tu hwnt i ddynwared ac yn cyfleu hanfod etifeddiaeth ddihafal y 'Godfather' gyda The James Brown Experience. Ymunwch yn y symud wrth i chi fwynhau caneuon dawns cyffrous, baledi emosiynol a chlasuron diamser sydd wedi ysbrydoli cenedlaethau o gerddorion a gweithredwyr i ddawnsio i ganeuon fel Say It Loud!

Mae The James Brown Experience yn cyfleu ysbryd bywyd James Brown fel gweithredwr Hawliau Sifil, fel eicon cerddoriaeth ffync ac enaid, fel arweinydd busnes ac fel 'dyn mwyaf gweithgar y byd adloniant'. Mae'r cynhyrchiad yn cynnwys cast llawn a 'The New Generals', sef cerddorfa ffync â 9 aelod, y mae ei gerddorion wedi bod ar daith gyda phobl fel Jamiroquai, Mark Ronson, Amy Winehouse a Martha Reeves. Mae'r band yn dod â phŵer a churiad heb ei ail yn y diwydiant.

Mae The James Brown Experience yn mynd â chynulleidfaoedd ar daith ac yn archwilio bywyd ac enaid brenin y byd ffync gan ddefnyddio'i eiriau ei hun. Mae'r gerddoriaeth wych yn y sioe hon yn cynnwys yr holl ganeuon poblogaidd felI Feel Good, Man's World, Get Up Offa That Thing, Sex Machine a llawer mwy.

Nid yw'r sioe hon wedi'i chymeradwyo gan Ystad James Brown na The James Brown Family Foundation ac nid yw'n gysylltiedig â nhw.