Dr John Cooper Clarke with Special Guest

Bardd; cyflwynydd teledu a radio; sylwebydd diwylliannol.

Mae'r ffenomen lenyddol John Cooper Clarke yn eicon Prydeinig. Fe'i hadwaenir fel bardd pync mwyaf arloesol y maes ac mae ei ddylanwad diwylliannol yn rhychwantu llenyddiaeth, cerddoriaeth a ffasiwn. O gyfansoddi rhai o gerddi mwyaf eiconig yr oes fodern, gan gynnwys I Wanna Be Yours (sydd wedi cael ei ffrydio dros 3 biliwn o weithiau ar ôl i'r Arctic Monkeys osod y gerdd ar gân) i rannu ei stori bywyd yn ei gofiant o'r un enw y gwerthwyd 140k copi ohono. 

Yn ddiweddar, cyhoeddwyd ei gasgliad o farddoniaeth boblogaidd newydd, WHAT, sy'n llawn ffraethineb coeglyd a myfyrdodau hynod ddoniol John ar fywyd modern. Cyrhaeddodd rhif 4 ar restr llyfrau poblogaidd y Sunday Times.

Cyfeiriwyd at John fel dylanwad pwysig, nid yn unig gan yr Arctic Monkeys ond hefyd gan artistiaid ar draws y byd gan gynnwys The Sleaford Mods a Plan B. Gellir clywed ei gerdd enwog Evidently Chickentown ym mhennod olaf ond un The Sopranos. Mae gwylio John Cooper Clarke yn perfformio yn gyfle i weld y bardd enwog hwn ar ei orau.

Daeth John Cooper Clarke i'r amlwg ar ddiwedd y 1970au. Ar ôl swyno cynulleidfaoedd gyda'i farddoniaeth a'i arddull gyflwyno unigryw mewn clybiau gweithwyr a lleoliadau cabaret yn Salford a Manceinion, daeth yn un o ffigurau mwyaf cynhyrchiol y byd pync. Wrth i'w waith fynd yn fwy poblogaidd, gosodwyd ei gerddi ar gân gan y cynhyrchydd enwog Martin Hannett ac amrywiaeth o eiconau o Fanceinion gan gynnwys Peter Shelley o'r band Buzzcocks a Vini Reilly o The Durutti Column. Mae ei gerddi arloesol fel Beasley St ac Evidently Chickentown sydd ar ei albwm poblogaidd Snap, Crackle and Bop wedi ei sefydlu fel un o artistiaid pwysicaf y cyfnod pync.