ABBA Forever

Cyflwynir gan Sweeney Entertainments.

Cydnabyddir bod ABBA Forever yn un o'r grwpiau gorau sy'n dynwared ABBA Yn Fyw Mewn Cyngerdd ac ers tro byd, mae cynulleidfaoedd theatr ledled y byd wedi mwynhau'r sioe deyrnged anhygoel hon sy'n dynwared y grŵp pop gorau o bosib a welodd y byd erioed.

Trobwynt sylweddol yn eu gyrfa oedd eu chweched taith theatr o Sweden, cartref yr arch grŵp gwreiddiol, ABBA, y gwerthwyd pob tocyn i'w perfformiadau.

Yn eu sioe fyw anhygoel, mae sain unigryw ABBA yn cael ei dyblygu â manylder anhygoel, gan ddefnyddio band saith aelod â gitarau trydanol ac acwstig, allweddellau a phiano, gitâr fas a drymiau. Mae dwy ferch ABBA ragorol yn cwblhau'r grŵp, gan ychwanegu'r glits a'r glam hanfodol at sioe eithriadol llawn hiwmor ysgafn.

Caiff y geiriau gwych, a ysgrifennwyd gan Benny a Björn, eu canu mewn harmoni hyfryd gan y chwe pherfformiwr ar y llwyfan. Mae coreograffi deinamig diddiwedd, delweddau syfrdanol, dawn gerddorol o'r radd flaenaf a pherfformiad cwbl fyw yn sicrhau bod sioe ABBA Forever yn swyno cynulleidfaoedd pryd bynnag y byddant yn camu i'r llwyfan.

Bydd ABBA Forever,sioe llawn cyffro, gwisgoedd disglair a goleuadau gloyw, yn mynd â chi ar daith yn ôl i'r 70au; mae'r sioe yn siŵr o blesio - o'r gytgan agoriadol i'r gytgan olaf y bydd pawb yn ei chydganu.