Richard Mylan

"Cyn i'r Grand gael ei thrawsnewid i'r Grand a welwn heddiw, roedd rhes o dai teras yn arfer bod bob ochr iddi. Ar un pen roedd caffi fy Mam-gu. Ei enw oedd Connie's Café, a byddwn yn mynd yno bob penwythnos, yn eistedd wrth y byrddau ac yn edrych i fyny ar y waliau lle'r oedd ffotograffau wedi'u llofnodi o'r holl artistiaid a fu'n perfformio yn y Grand drwy'r blynyddoedd aur. Roeddwn i'n arfer cerdded i'r Swyddfa Docynnau ac edrych i fyny ar y lluniau o bwy oedd yn perfformio'r wythnos honno, a dwi'n credu mai dyma sut dechreuodd fy niddordeb. Pan oeddwn i ychydig yn hŷn, tua chwe blwydd oed, daeth y Cwmni Theatr Northern Ballet i Abertawe gyda 'Midsummer's Night Dream' ac roedd angen bachgen bach arnynt i chwarae rhan Y Tywysog Eifftaidd. Cefais fy newis i chwarae'r rhan... a dyna oedd fy mhrofiad cyntaf erioed ar y llwyfan yn y theatr anhygoel hon... roedd yn brofiad a newidiodd fy mywyd yn llwyr."

Mae Richard Mylan yn actor theatr, ffilm a theledu a aned yn Abertawe, y mae ei waith yn amrywio o ddrama i gomedi mewn rhaglenni teledu fel Waterloo Road a Coupling (BBC), i brif rannau mewn cynyrchiadau theatr yn y West End a dramâu sydd wedi ennill gwobrau Olivier. Ni fyddai hyn i gyd wedi bod yn bosib oni bai am y gefnogaeth hanfodol a gafodd gan Gyngor Abertawe, a alluogodd Richard i hyfforddi yn yr Urdang Academy yn Llundain.

Meddai Richard, "Ar y pryd, roeddwn i'n 12 oed, yn byw ym Mlaen-y-maes, heb incwm, ac yn un o dri o blant i riant sengl. Does dim ffordd y byddwn i wedi gallu fforddio'r tocyn trên, heb sôn am fynd i Lundain a hyfforddi'n llawn amser... gwnaeth Gyngor Abertawe wireddu fy mreuddwydion, yn llythrennol". Ers hynny, mae Richard wedi ei ysgogi i roi yn ôl i'r ddinas a wnaeth y cyfan yn bosib. Yn anffodus, ar ôl marwolaeth ei fam, a fu farw'n sydyn ym mis Medi 2020, sylweddolodd fod bywyd yn llawer rhy fyr ar gyfer meddylfryd 'Un diwrnod', a chymerodd gamau ar unwaith i ddod adref a bod mewn sefyllfa, o'r diwedd, i roi yn ôl. Erbyn mis Mai y flwyddyn ganlynol, symudodd Richard, ei wraig, Tammie, ei fab, Jaco, a'i fab ifanc, Acen, yn ôl adref.

Yn fuan wedyn, cafodd gyfarfod ag Arweinydd y Cyngor, Rob Stewart, ac ar ôl hynny cynullodd Richard grŵp creadigol aruthrol a aeth ymlaen i weithio gyda Tracey McNulty (Pennaeth y Gwasanaethau Diwylliannol yn Abertawe) a chyflwyno cynllun creadigol uchelgeisiol ar gyfer y ddinas yng nghartref diwylliannol y ddinas, yr hyfryd Theatr y Grand Abertawe, lle dechreuodd cariad Richard at y theatr. "Mae hyn yn sicr wedi cwblhau'r cylch", meddai Richard,