Celfyddydau Theatr Mellin

Ysgol ddawns theatr a gynhelir yn Theatr y Grand Abertawe yw Celfyddydau Theatr Mellin.

Children on stage with their backs to the camera

Fe'i cynhelir gan y Pennaeth, Miss Louise Mellin (F.I.S.T.D., Aelod o'r Academi Ddawns Frenhinol), a hyfforddodd yn Ysgol Ddawns Theatr y Grand Abertawe dan arweiniad Wendy Weaver ac Andrea Jones cyn derbyn ysgoloriaeth i hyfforddi yn Ysgol Celfyddydau Perfformio Tring Park.

Mae MTA yn credu mewn darparu hyfforddiant a phrofiad ysgol theatr go iawn i bob plentyn a myfyriwr trwy gynnal perfformiadau ar lwyfan Theatr y Grand, yn ogystal â pherfformio o amgylch Abertawe mewn digwyddiadau megis Gorymdaith y Nadolig, Sioe Awyr Genedlaethol Cymru, dathliadau Dydd Gŵyl Dewi ac roedd myfyrwyr hyd yn oed wedi perfformio ar gyfer Catherine Zeta-Jones yn 2019. Mae'r ysgol hefyd yn cynnig y cyfle i fyfyrwyr berfformio mewn sioeau proffesiynol megis Qdos Pantomimes Ltd (Theatr y Grand Abertawe), Joseph (Canolfan Mileniwm Cymru yng Nghaerdydd) a Gangsta Grannie (Theatr y Grand Abertawe).

Mae'r ysgol yn cynnig amrywiaeth eang o hyfforddiant - gan gynnig dros 50 o ddosbarthiadau'r wythnos mewn disgyblaethau gwahanol gan gynnwys;

• Bale (Academi Ddawns Frenhinol)

• Silver Swans (Bale i bobl dros 55 oed, dan drwydded yr Academi Ddawns Frenhinol)

• Theatr Fodern (Cymdeithas Imperialaidd Athrawon Dawns)

• Dawnsio Tap (Cymdeithas Imperialaidd Athrawon Dawns)

• Modern (Cymdeithas Imperialaidd Athrawon Dawns)

• Hip Hop (Cymdeithas Imperialaidd Athrawon Dawns)

• Jazz Americanaidd/Masnachol (Arddull Luigi)

• Acrobateg (Celfyddydau Acrobateg)

• Canu a'r Theatr Gerdd (Academi Cerddoriaeth a Chelfyddydau Dramatig Llundain)

• Drama a Thechnegau Actio ar gyfer y Teledu, Ffilm a Theatr (Academi Cerddoriaeth a Chelfyddydau Dramatig Llundain)

Mae nifer o fyfyrwyr yn penderfynu mynd ymlaen i astudio'n broffesiynol ar lefel alwedigaethol, naill ai'n 16 neu 18 oed. Ar hyn o bryd mae gan yr ysgol gyfradd clyweliadau o 100%, gan gynnwys Laine Theatre Arts, Performers College, London Studio Centre, Tiffany Theatre College, Wilkes Academy a Masters Performing Arts College.